Shillong: Ha ka 20 tarik rym phang 2020 ka seng kieng atiar Hynniewtrep National Liberation Council (HNLC) ka la kam ba ka donkti ha ka jing pynbthei bom ha ka karkhana shet ‘Koke’ ha Kyllon Mathei da ka ba kynnoh ba ka seng ka shim ia kane ka sienjam namar ka jing jur ka ialeh benami bad ka jing bamsap.
Myn hynnin ka sngi, ki pulit ka West Khasi Hills ki la ioh jing ujor na u trai ka karkhana u Dharambir Bansal na ka shnong Kyllongmathei Shallang ba ka seng HNLC lyngba ka mobile phon ka la dawa 13 klur tyngka na u.
U SP ka West Khasi Hills u Bashan Laloo u la ong ba u trai ka karkhana u Dharambir Bansal ha ka 19 tarik rymphang 2020 u la shah dawa 13 klur tyngka na uwei u briew u ba kam ialade ba u dei na ka seng HNLC lyngba ka mobile phone na u nomber 8131883512.
Na ka liang ki pulit ki la ai da ka ejahar halor kane ka jing jia bad mynta ka jing tohkit ka dang iaid sha khmat ban kem ia ki ba donkti dawa pisa bad pyn bthei bom.
U Dharambir Bansal lyngba ka ejahar u la kam ruh ba u bom ba bthei u la pynjulor ia ka trok ba don ia u number plate NL 01 0724 ka ba ieng ha jan ka kharkhana shet ‘Koke’.
Phi don ban ong eiei?