12tarik, yn pynkhuid shnong ka Lawmali Pyllun

Shillong: Ka Dorbar Shnong Lawmali Pyllun kan pynlong ia ka jingpynkhuid Shnong ha ka 12-12-2020 naduh ka por 8:00 baje mynstep.

Ka long ruh ka jingpyntip ia baroh ki paidbah bad ia ki ba leit ba wan da ki kali sha ki office sorkar lane sha ki jaka trei kiba pher bapher kiba don hapoh ka Shnong Lawmali Pyllun, namar kan don shipor ka jingpyrkhing ia ka jing ia rung ia mih bad pynieng kali harud surok katba dang iaid ka jingpynkhuid Shnong lait noh tang kito ki kali ba leit Hospital.

Ka Dorbar Shnong ka kyrpad ia ki paidbah ba leit ba wan da ki kali ba kin iai shah lem shipor tad haduh ban da dep ka jingpynkhuid Shnong.