Shillong: Ka khlam corona, ka la trei tyngeh, ha kane ka kynti, ha kaba ki don 125 ngut ki nongtrei jong ka NEIGHRIMS, ba kynthup ia ki doktor, ki nos, ki ward attendant bad ki nongtrei hospital, kiba ioh ia katei ka khlam lane kiba don ha ka jingshong kyrpang ialade.
Ka kyrwoh khubor, na U Dr Cornerstone Wann, Public relations office ka NEIGHRIMS, ka iathuh ba ka hospital, ka dang iai kit khia ban sumar ia kito kiba don ia katei ka jingpang, kiba shah sumar ha katei ka hospital ha NEIGHRIMS. La ong ruh ba ka NEIGHRIMS, kan iai bteng ban peit ia ki nongpang, kiba wan shah sumar na shabar ruh, na bynta ka jing myntoi jong u paidlang ka thain shatei lam mihngi.
La pynsngew sha ki paidbah bad khamtam sha ki nongtrei ka NEIGRIHMS, ba kin bud pyrkhing ia ki kyndon jing batai, ban iada na katei ka khlam, lada ki don ha hospital ne ha ki jaka paidbah ne ha iing ruh kumjuh.
Phi don ban ong eiei?