123 ngut kiba ioh pang covid thymmai, ha ka Jylla

Shillong:Kiba ioh pang covid mynta ka sngi, ki long 123 ngut bad ka East Khasi Hills, ka don 76 ngut, ha kaba 75 ngut ki dei ki riew paidbah.

Ka West Jaintia Hills, ka kiew bha, da ka jingdon ki 42 ngut ki riew paidbah, kiba ioh pang thymmai. Ka West Garo Hills, ka don 2 ngut kiba ioh pang thymmai, ka South Garo Hills, ka South West Garo Hills bad ka West Khasi Hills, ki don mar iwei iba ioh pang thymmai.

Kiba jem ki long 31 ngut bad kiba iap mynta ka sngi, ki long 3ngut bad kitei ki dei baroh na East Khasi Hills.

Kiba dang don ia ka jingpang, ki long baroh 730 ngut, ha East Khasi Hills 446 ngut, West Khasi Hills 8ngut, South West Khasi Hills 2 ngut, West Jaintia Hills 120 ngut, East Jaintia Hills 9 ngut, West Garo Hills 72 ngut, South West Garo Hills 18 ngut, South Garo Hills 5 ngut, East Garo hills 14 ngut, North Garo Hills 8 ngut.

Baroh kiba ioh pang, ki long 12,008 ngut bad kiba iap, ki long 128 ngut.