Shillong, 10 Nailar:
La ai jingiarap da ki nar um, ha ka jingjrong kaba 120 metre ia ka shnong Mawlai nong-pdeng, Block-B, na ka bynta ki nong shong shnong jong kane ka thain khamtam na ka bynta ki nong bylla sait jain kiba la mad ia ka jing jynjar um la bun bun snem, namar kumba ka long kiba bun kiba im ha kane ka dong ki dei ki nong bylla saitjain. Kine ki nong saitjain lada ki kwah ban sait jain hala ki jong ki iing ruh kim ioh lad namar ban thied ia ka Um ruh kim ioh, namar ki nong ai um kim lah ban pynpoi iaka um ha ki iing ki jong ki namar u nar jong ki nong ai um, kim lah ban kot shaduh kane ka dong bad ki iing, te lyngba une u nar um, kan pynsuk shibun iaki ba kin thied iaka um ban lait ban leit bylla ne sait jain shalum shawah.
Kane ka jing leit ai jing iarap ka long tang kum ka jingpruid dak ia ki kam kiba bha ban shakri na ka bynta u duk u suk jong ka thain Mawlai bad ka jylla hi baroh kawei, hadien ba kine ki nongbylla saitjain, ki la wan ban ud ban nam ia ka jingeh ka jong ki, ong ka kyrwoh na U bah Bah B.L.Nongbri Chief Organiser, KHNAM Mawlai Circle.
Phi don ban ong eiei?