12 tarik sngi shuti ha Garo Hills

Shillong, 7 Risaw:
Ka sorkar jylla ka la pynbna ba baroh ki skul ki jaka pule bad ki ophis sorkar kin khan glut ha ka 12 tarik u risaw ha baroh 5 tylli ki district ka Ri Lum Garo namar ba ka dei ka sngi thep vote MDC, ia kane la pyntip da u Principal Secretary sha ka sorkar jylla General Administration (A) Department.
U Deputy Secretary sha ka sorkar jylla jong ka tnad Labour Department u la pyntip ba ka sorkar ka la pynbna sngi shuti ha ka 12 tarik u risaw kum ka shuti ba hap ban siew dor sha ki nongbylla kynthup naduh ki nong bylla ki riew shimet, ki dukan, ki karkhana kiba hap hapoh ka GHADC khnang ba kin ioh ban thep vote.