12 tarik ka Jingialang Iada la ka Ri ha Mairang

Shillong: Ka “Iada la ka Ri” kala pynlong ia ka jing ialang bad ki Nongsynshar Shnong ka thain Mairang ha ka sngi baar, ha kaba u Bah Ardent Basaiawmoit, u la pynshai ia ka jingthmu jong ka Revolution kaba la sdang ha ka 6 tarik mynta u bnai.

Na ka liang ki Nong synshar Shnong hadien ba ki la ioh jingpynshai na u Bah Ardent, ki la pynpaw ka jingkyrshan tylli ia kane ka Revolution, kaba kawei na ki jingthmu ka long ban ithuh bad pynkup bor ia ki da ka ain.

Na ka liang ki Nongsynshar Shnong ki la ai jingmut ruh ban pynlong da ka jingialang paidbah ban pynshai shuh shuh ia kane ka jingthmu.
Kumta kane ka jingialang ka la rai ban pynlong da ka jingialang paidbah ha ka 12 tarik u Lber 2020 ha Pyndengumiong, ha kaba u Bah Ardent un wan ban pynshai paidbah halor ka Revolution.