Agartala: U Biplab Kumar Dev, myntri rangbah ka Tripura, u iathuh ba ki don 12 ngut ki pulit jong ka Border Security Forces (BSF), kiba ioh ia ka jingpang coronavirus bad baroh kiba ioh ia katei ka jingpang ha katei ka jylla, ki la poi sha ka 16ngut.
U Dev, u thoh ha ka twitter jongu, ha kaba u iathuh ba ki 12 ngut kiba na ka 138th BSF Unit, ki ioh jingpang Covid-19 bad u iathuh ba baroh kiba ioh ia katei ka jingpang, ki poi sha ka 16ngut bad arngut ki la ioh jingkoit bad kiba dang shah sumar, ki long 14 ngut haduh mynta.
La iathuh ba uba ioh nyngkong ia katei ka jingpang, u dei uwei u langrut, uba na Sivasagar District jong ka Assam bad haba la test la lap ia 12ngut ki langrut kiba dei na kajuh ka battalion, kiba ioh ia katei ka jingpang.
Utei u langrut, ula shah sumar ha GBP Hospital, ha Agartala, naduh ka 1tarik Jymmang 2020, ong ka khubor.
Phi don ban ong eiei?