12 kompeni pan CRP ka sorkar, ban pynneh jingsuk ha jylla

Shillong, 15 Nailur:
Ka sorkar Meghalaya ka la pan 12 kompeni ki pulit CRPF bad Rapid Action Force (RAF) ban pynneh ia ka suk ka sain ha ka jylla, kaba dang don ha ka jinghuri hura.
U principal secretary ka tnad Home u KS Kropha u la iathuh ba ka sorkar jylla ka dang ap ia kitei ki pulit ban poi ha ka jylla khnang ban the lakam ia ka jingsuk, namar ka jingdon ka jingiakhih jong ki sengbhalang bad kiwei kiwei ha kane ka jylla.
Ka jingdonkam ban wanrah shuh shuh ia ki bor pahara la sngew donkam da ka sorkar hadien ba ki kali sorkar bad kali shimet ki la shah thang na ka jingdon ka jingiakhih jong ki sengbhalang.