1109 ngut kiba la dep phah eksamin, 1000 ngut ki dei ‘Negative’ bad sa 97 ngut dang ap kaiphod: MR

Shillong: U myntri rangbah ka jylla u Conrad K Sangma mynta ka sngi u la ong ba ki don 1109 ngut kiba la phah ban eksamin bad 1000 ngut ki dei ‘Negative’ bad were 97 ngut dang ap ka kaiphod.

U Conrad K Sangma u la iathuh ruh baroh 11 ngut kiba ngat ka jing pang’corona virus’ hapoh ka jylla kim da shitom jur re.

Haba dei bad kiba shah ‘screen’, u myntri rangbah ka jylla u la iathuh ba ki don haduh 24,382 ngut bad 5208 ngut ki don ha ki ing lajong naka bynta ban shah ‘Quanrantine’ bad 296 ngut ki don ha ki jaka sah kyrpang lane ki ‘Quanrantine center’ bala buh kyrpang da ka sorkar. U la iathuh ruh ba ka tnat ka koit ka khiah ka jylla kala ioh ban lum kyrteng kumba 49,391 ngut lyngba Shu phone bad kumba 22,303 ngut la ioh lum kyrteng lyngba ka ‘IVRS’.

Haba dei bad ki tiar iada lane ki PPE’s, u myntri rangbah ka jylla u Conrad K Sangma u la iathuh ba ka jylla ka la ioh 64,458 tylli ki ‘personal protection equipments’ (PPEs), 5,10,000 tylli ki ‘3 ply masks’ bad kumba 65,190 tylli ki ‘N95 masks’