11 ngut kiba thep kyrteng, shah ujor U Sirdar barim ka Nongjri Elaka

Shillong:U Deputy Chief Executive Member ka KHADC uba peit ia ka tnad Elaka u bah Pynshngain N Syiem, u la ong ba ka la don ka jingujor pyrshah ia u sirdar barim ka Nongjri elaka, halor ka jingkynnoh ba u khlem burom ia ki rai ka dorbar bad kiwei ki kam jong ka Elaka ha ka jingpyniaid ba beit ba ryntih ha ka elaka ha kine ki snem baroh.

Kumba 11 ngut ki la don kiba thep kyrteng ban iakhun ia ka kam Sirdar jong ka Nongjri Elaka ha kaba mynta ka sngi, ka dei ka sngi khadduh ban thep kyrteng, hynrei ka la don ka jingujor hapdeng ki ar ngut ki kyrtong kiba thmu ban ialeh ia kane ka elekshon.

Ha kajuh ka por, u bah Pynshngain u la ong ba ka jingpynsangeh ia ka elekshon kam ym mih satia namar ba la dep ban pynkhreh ia ka thup kyrteng nongthep vote, ka jingailad ia ka jingujor ka jingkam ruh la dep, bad la pynbna ruh ban thep kyrteng bad ka shong sa ka jingpeit bniah ia ka jingujor pyrshah ia u bah Wondisper Laso da ka Executive Committee, ban dang long u kyrtong ha kane ka elekshon.