11 million ngut, kiba ijli ban peit ia ka phlim Sadak 2

Ka jingiap U Sushant Singh Rajput, ka la mih ia ka jingeh kaba khraw ia ka phlim Sadak 2, kaba la pynmih da U Mahesh Bhatt.

Ka trailer jong katei ka phlim, kaba la pynmih ha ki khyndiat sngi ba ladep, ka la ioh ia ka jing ijli kaba wan ha ka kyrdan ba ar, ha ka pyrthei baroh kawei, haba la pyni ia ka ha YouTube.

Ha katei ka phlim, kiba ak ki long ka Alia Bhatt, ka Pooja Bhatt, U Sanjay Dutt, ka Aditya Roy Kapur, ha kaba ki ak ha ka bynta ba sha khmat duh.

Mar ia pyni ia ki thup jingrwai jong katei ka phlim ha YouTube, ki la don ki riew ieid phlim, kiba la kyntait lane dislike ia ki jingrwai jong ka phlim bad la iathuh ba ki la poi sha ka 11 million sien tang ha ka shi taiew, kiba la ijli ia ki jingrwai jong ka Sadak 2. Katei ka video, ka wan ba ar, hadien ka jong ka video U Justin Bieber, na bynta ka thup jingrwai jongu “Baby” kaba la isih da ki 11.6 million ngut ki riew ieid jingrwai.

Ki nongthaw ka Sadak 2, ki la weng ruh ia ka jingrwai ‘Tum Se Hi’ kaba dei ka jingrwai ia ieid samla hapdeng ka Alia Bhatt bad U Aditya Roy Kapur.