Shillong: Na ki 30 lak ngut ki nongshong shnong ka jylla, ki don 19 lak ngut tam ki ban jied ia ar ngut ki Member of Parliament (MP) sha ka Lok Sabha na ka jylla, kynthup uwei na Shillong Parliamentary constituency bad uwei na Tura Parliamentary constituency.
Ka elekshon kan long ha ka 11 tarik Iaiong. Haba kren pyntip ia kane, u Chief Electoral Officer (CEO) u bah FR Khar kongor, u la iathuh ba mynta ka kynti, ki don 19,11,369 ngut haduh u Kyllalyngkot ba la dep mynta u snem. Na kine, 11,95,662 ki dei ha Shillong Parliamentary constituency katba 7,15,07 ngut na Tura Parliamentary constituency.
Kane ka mut ba ka la don ka jingkiew kaba 40 hajar tam na u snem ba la dep, kaba long 18,92,716 ngut. Ki don baroh 3167 tylli ki jaka thep vote ne polling station ha baroh kawei ka jylla.
Phi don ban ong eiei?