11, jingialang ha dorbar Mission

Shillong,7 Nailur:
Ban ia kren halor ka jingeh ba ki paidbah ki ia kynduh ha ki jaka bad ki jylla kaba trei kam ka ain Armed Forces Special Powers Act (AFSPA), 1958 khamtam ha Manipur bad ha Kashmir, bad kum ka dak ka jingpynpaw ka jingsngewlem na bynta kito kiba la mad bad kiba dang dawa ba pynkylla noh ia katei ka ain, yn pynlong ia ka jingialang paidbah ha ka 11 tarik mynta u bnai kaba dei ka sngi palei ha Dorbar Hall ka Mission Compound , Shillong naduh ka por 11:30 baje mynstep.
Ka kyrwoh na u Pastor PBM Basaiawmoit ka la khot la wer ia baroh ki paidbah cki sengbhalang, sha katei ka jingialang bad ha ka juh ka por ka kyrwoh ka la ong ba kaei ka ban mih na katei ka jingialang yn phah sha u Myntri Rangbah Duh ka ri, bad ki myntri sorkar pdeng, na ka bynta ba kin pynkylla noh ia katei ka kyndon ain.