10tylli jan kdiah ki nar ilektrik

Jowai, 19 Risaw:
Ka long jingma kaba khraw ia ki paidbah nongleit nongwan kham-tam ia ka shnong Mih-myntdu Khlieh shnong bad Mihmyntdu Lumchy-ramang, haba haduh kumba 10 tylli ki nar ilektrik, ki la jan kdiah bad jan khein na ka jingsap sarang kiba ka tnat Meghalaya State Electricity Board (MeSEB) ka la shu ieh khlem da bujli ne marmot.
Ha jingiadei bad kane na ka liang u President ka Jaintia People Youth Movement (JPYM) sengkmie u samla Tenstarly Shylla President, kiba la lap ia ka jingbym peit bniah bad jingleh khlem akor katei ka tnat ba dei peit ia ki bor ding ka Meghalaya Energy Cooperation Limited (MeECL) Jaintia Hills District ia ki nar ilektrik, kiba la jandkut bad kiba la sap sarang, kiba lah ban buh ka jingma kaba khraw bad kumjuh ka jingjia ba sngewsih ia ki briew naka daw ka jingsniew jong ki.