Lum pisa ki paidbah, ban synniang ia u kyrtong ka seng Congress na Mowkaiaw

Shillong: Myn hynnin ka sngi, ka kynhun jong ki samla ka Shnong Iooksi Pyllun kiba kynthup iaka Iooksi Iapkhla, Iooksi Priang, Iooksi Umdeinlin, Iooksi Kyanmynsar bad Iooksi Tongkiad ki la ia lum lang shi jaka ha Community Hall jong ka Iooksi Thlongmoo naka bynta ban ia pyrkhat iaki kam kiba iadei bad ka jingthmu iakhun Elekshon jong u ma Nehemaya Tyngkan.

Lah ban pynkynmaw ba u ma Nehimaya Tyngkan, u dei u kyrtong jong ka seng Congress uba ia iakhun la arsien kynthih mynta na katei ka juh ka party napoh 4 Mowkaiaw Constituency.
Ha ka jingialang jong ki Samla ka Shnong Iooksi Pyllun, la ioh ban kren na shibun ki samla ka shnong kiba la ai jingmut bad bad kiba la kyntu ia ki paidbah ban kyrshan tylli ia u ma Nehimaya Tyngkan khnang ba ka jingthmu bad jingangnud jong u ban shakri iaki paidbah kan urlong.
Hakane ka sngi ki samla ki la lum synniang ruh para samla kaba kot ka bor, da kaba thmu ban ia kyrshan lang iaka kam iakhun Elekshon jong u ma Nehemaya Tyngkan.

Haba ai jingkren, na ka liang u samla Nangaibormi Sutnga ula ong ba ka jingkylla haka synshar hi kan wan tang lada ki paidbah nongthep vote ki sngewthuh iaka jingdonkam ka jingsynshar kaba khuid kaba suba dakaba kiar shwa ialade naka jingshah thied tad dor haki bor ka pisa.
” hooid ymlah ban len ba katba dang iaid ki por ka jingiakhun elekshon ka nang rem dor nang remdor bad kan sa poi ka por ba u kyrtong uba thrang shisha ban shakri iaki paidbah un nym nud ia aireng shuh tang namar ba u wan naka longiing baduk, kumta yn nym don jaka ia uba duk haka kam sain hima sima” la ong u ma Nangaibormi Sutnga.

Haba ai khublei ia ki samla ka shnong Iooksi Pyllun halor ka jingia noh syññiang jong ki sha u Ma Nehemaya Tyngkan ula ong ba lada baroh ki nongshong shnong ki don iaka mynsiem kaba kum kane, khlempep ngin sa ioh iaka jingsynshar kaba khuid kaba khlem da leh shilliang khmat bad lehbor”.
Ha kane ka sngi la aiti ia ka pisa kaba haduh 14070 tyngka sha u ma Nehemaya Tyngkan da u samla Lovelast Lathong u shongknor ka Kynhun ki Samla Ka Shnong Iooksi Pyllun.