Na ka thma Ukraine, poi sa ka jing ia pait khiew ja sha London

Hapdeng ka jingkhie ka thma, kaba jur ha Ukraine; hynrei, ka la don ka jingjia, kaba pynpait khiewja, pynban ia kawei ka longiing bad katei ka long, ba u kpa jong ki arngut ki khun, ula iehnoh, ia ka tnga lajong bad leit iashong bad ka poiwir, kaba leit sah ha iing jongki ha London.

U Tony Garnett, 29, uba trei ia ka kam ap pahara, ula ia phet noh, na ka Lorna, 28, hadien ba ula rai ban iashong noh bad ka Sofiia Karkadym, kaba 22 snem ka rta.

U Tony, uba na Bradford, West Yorks, u ong “Ngi la rai ban iaieid shirta jingim”, ong ka khubor, kaba la pynmih ha ka The Sun. Ka Sofiia Karkadym, ka la phet bak na ka nongbah jong ka Lviv, mar ia sdang ka thma Ukraine bad ka la ioh jaka rieh ban leit sah ha iing U Tony Garnett, ha United Kingdom. Ka Sofiia, 22, ka ong “Mar ia iohi, ia u, nga la itynnad pynban”. “Ka jingiadei ka la stad stet palat, hynrei, ka dei ka bynta jong ka jingieid jongngi. Ki briew, kin kren bein iangi, hynrei, kane ka la jia ianga bad nga iohi, kum U Tony, u don ha ka jinglynga mynsiem kaba jur” ong ka Sofiia.

U Tony, 29, ula iehnoh, ia ka tnga lajong, tang hapoh shiphew sngi, ba ki la pdiang ia ka Sofiia, ba kan iashong iasah lang bad ki, ha katei ka iing jongki ha UK.

U Tony, ula pdiang ia ka skhim jong ka sorkar England, na ka bynta ban ai jaka rieh ia ki nong Ukraine, kiba phet rieh na la ka Ri, na ka jingshah hiar thma ha ka Russia bad ula iakynduh ia ka Sofiia ha ka facebook peij, ha kaba ula kular ban ri ban sumar ia ka.

Ka Sofiia, kaba dei ka IT manager, ka leit poi sha London, ha ka 4tarik Jymmang bad mar kumta, ka la leit sah ha iing U Tony bad ka Lorna, ha Bradford, West Yorks; hynrei katei ka jingpoi jongka, ka la pynpait arliang ia u khiew jong U Tony bad ka Lorna.

Mar ia rung iing ka Sofiia, kitei ki arngut, ki la ia shoh jingieid haba ka Lorna, ka la iohi, ia ka jing ia sop sop jong kitei ki arngut, ka la rai ban iehnoh ia u tnga jongka bad U Tony ruh, mar kumta, ula mih noh bad ialam ia ka Sofiia, sha iing ka kmie lajong, ban iashong ia sah hangta.

U Tony, u iathuh ba ka jingsdang ka long ba ki ia shongkai kham miet, wat, ynda haba ka Lorna, ka la thiah bad kitei ki ia dih, ki ia peit TV lang bad nangta ka Sofiia, ka ju leit bud ia U Tony, haba u leit kilan met shapoh Gym bad katei lei, ka la nang pynbitar jur ia ka Lorna, ka tnga jongu.