Ba leit phah peit nusip; shah bat bor ka tnga 79 sngi kynthih, ha u nongpeit nusip

Ka tnga, kaba la shem sohsat ha ka jingiadei bad u tnga jongka, ka la shah bat tnga jubor, haduh 79 sngi kynthih ha u nongpeit nusip bad katei ka jingjia, ka dei ha Balasore district jong ka jylla Odisha.

Katei ka briew, ka la ujor sha ki bor pulit, ba ka la shah leh jot shi katdei, ha u tnga jongka bad nangta ha ki kong kynsi jongka bad ha katei ka jingshem jynjar sat, ka la leit sha utei u nongbeit nusip bad utei ula kam, ba lada un bat tnga ia ka 79sngi kynthih, kumta ka jing ia kynad ha iing jongka, kan duh jait shisyndon.

Katei ka briew, ka la ujor pyrshah halor katei ka jingshah leh beijjot jongka, ha ki pulit ha Jaleshwar, ha kaba ka la ujor pyrshah ia u tnga jongka, ia utei u nongpeit nusip, ia ki kmie ki kpa jongka bad kumjuh ia u para jong u tnga jongka. Kitei ki shijur, la iathuh ba ki don ia u khun shynrang uba dang ar snem ka rta.

Katei ka tnga, ka la ujor ba ka la shah bat bor la 79 sngi kynthih, ha utei u nongpeit nusip, uba la tip kyrteng U SK Taraf, na ka shnong Kakhara, ba Balarose bad katei ka la iathuh sha ki pulit ba ka ju don ka jing ia mai iatim bad ka jingshah lehbein jongka, ha ka kiaw bad ki para kynsi, naduh ba ka ia shong tnga, ha u snem 2017. Halor katei ka jingjia, ka iathuh ba ka ju iathuh ia u tnga jongka, hynrei, utei ruh um ju shah shkor satia.

Dangshen, u tnga jongka, ula leit sha kawei pat ka nongbah, na ka bynta ban plie dukan bad kumta, ka kyiaw jongka, ka la leit ialam sha utei u nongpeit nusip bad utei u la pynthikna, ba katei ka jing ia nia ia dait hapdeng katei ka tnga bad ka kyiaw bad ki para kynsi, kan duh jait shi syndon, lada kan sah bad u, na ka bynta katto katne sngi.

Wat la katei ka tnga, ka la pyrshah ia katei ka jingbthah jong ka kyiaw jongka, hynrei, ka kiaw, ka la pynbor, ba kan shong bad utei u nongpeit nusip bad hangta, ka la shah set ha kawei ka kamra bad ka la shah bat bor man ka sngi, haduh 79 sngi kynthih.

Ha ka 28tarik Iaiong 2022, ka la ioh ia ka mobile phone jong utei u nongpeit nusip bad mar kumta, ka la pyntip sha ki kmie ki kpa jongka, ha kaba ki la pyntip sha ki pulit bad ki pulit, ki la ioh ban pyllait im ia ka, na katei ka jingshah set bad shah bat bor ha utei u nongpeit nusip.