100tylli paw ki dur ba pharia ka liengsuin Malaysia

Kuala Lumpur, 26 Lber:
Ki la paw ki dur, kiba nang kham thikna bha, ba ki don haduh 100 tylli ki dur kiba paw hapoh um, kiba lah ban dei kiba la pait la pra na katei ka liengsuin jong ka Malaysia, kaba la jah rngai myn ta la 18sngi kynthih.
Ki don ki dur, kiba la ioh ban shim, na ki satellite jong ka Australia, China bad ka France, ha kaba ki pyni, ba ki don kitei ki tiar kiba la pait la pra hapoh um, ong u myntri ka tnat jong ka kit ka bah ka sorkar Malaysia, U Hishammuddin Hussein, haba kren ha ki kotkhubor mynta ka sngi.
Haduh mynta, ki don da ki spah tylli ki liengsuin, ki jhad bad ki shipai um, kiba leit sha katei ka jaka, ban wad ia katei ka liengsuin bad ban tip ia ki sabut kiba shisha, halor ka jingjia kaba iadei bad katei ka liengsuin, kaba don 239ngut ki briew.