New York: U Lieutenant General Ben Hodges, uba dei u heh shipai barim jong ka United States lane u commanding general jong ka United States Army Europe, u iathuh ba ka Russia, ka don ha ka bor ban ialeh thma ia ka Ukraine, sa tang shiphew sngi. Ynda ki la poi ha katei ka khep, kin hap ban sangeh noh, ka jingialeh thma jongki, namar ba kim don tiar shuh ban leit ther sha Ukraine.
U Lt Gen Hodges, u ong “Ki Russian, ki don por sa tang shiphew sngi, na ka jingkut bor jongki bad ha katei ka por, kim don kuli shuh lane tiar siat ban ialeh pyrshah”. Ula ong shuh shuh “Ngi te ngin iai pynpoi ia ki tiar siat, ki Russian pat kin nang duh bor”.
La sngewthuh ba U Putin, u khein suk shibun, ha ka por ba u hiar thma ia ka Ukraine, ha ka 23tarik Rymphang 2022, hynrei, ka jingiakhun, ka long pynban kaba eh than, ha kaba ha ka miet kaba nyngkong, ki la don 150ngut ki shipai jong ka Russia, kiba la shah pyniap tang ha Mariupol.
Ka Ukraine, ka kam ba ka la pyniap haduh mynta, ia 13,500 ngut ki shipai Russia bad ka la pynjulor ia bun bah ki tiar siat jong ka Russia. Ki don ruh 12ngut ki heh duh jong ka tnat shipai ka Russia, kiba la la shah pyniap ha ka jing ialeh ha Ukraine.
Ia ka thma ngim dei ban ialeh da ka bor,hynrei da ka buit
Ha ka thma ymdon bajop . Baroh arliang ka wanrah ki jingduhnoh bashyrkhei .