100 ban ki tin sop iing, iarap u MLA Jirang ia ki longing, kiba la shah ktah ha ka eriong

Nongpoh: U Bah Sosthenes Sohtun, MLA Jirang, hynnin ka sngi u la leit ban iarap haduh 100 Ban ki Tin Sop iing na bynta kito ki longiing ha ka shnong kiba don ha Ri Bhoi Sepngi, kiba kynthup ia ka shnong Umkynsier, Mawskeilum, Warmawsaw lem bad kiwei, kiba la shah ktah na ka jingkhie eriong ha kine ki Taiew ba la dep.

Nalor kitei ki 100 ban ki tip kaba u la leit ban iarap, u Bah Sosthenes Sohtun, u la phah lum jingkhien ruh ia kito kiba la kham jur ka jingshah pynjulor, khnang ba un ioh ban iarap biang, la ka long da ki Tin sopr iing lem bad kiwei de ki tiar jingdonkam.

Ha katei ka sngi, kaba u MLA Jirang, u la leit ban ban iarap ia kitei ki longing, la sakhi da ka jingdon ki nongialam shnong katei ka thain, nangta ki para nongtrei ka NPP lem bad shibun kiwei pat.

Haba ai jingkren sha kitei ki briew, u Bah Sosthenes Sohtun, u la kyntu ia kito ki longiing ba kin pdiang da kaba hun mynsiem, namar na ka liang jong u ruh, u la ai ia ki da ka mynsiem jong ka jingiarap ia kiba kum kitei ki longiing, kiba la ngat ha katei ka apot shah lynshop ha ka eriong.