Shillong: Ka Syiemlieh Film Production kan pynlong ia ka jingialehkai phutbol paralok hapdeng ki samla kynthei kiba ak ha ka phlim “Jingim” pyrshah ia ki dkhot ka Hynniewtrep Youth Council (HYC) Women Wing ha ka 10 tarik Nailar 2019 ha ka por 3:30 janmiet ha madan Lum Roman kaba don syndah bad ka Secred Heart Boy Higher Secondary School, Mawlai Phudmuri.
Kane ka long shi bynta ban pyniaid iew ia ki tiket Lucky draw ba la pynmih da kane ka phlim na ka bynta ban ai jingiarap ia ka Savio Evening Secondary school & College kaba don ha Mawlai Phudmuri ba la pyniaid da ka Mawlai Parish bad kumjuh ruh ban kyrpad na ki paidbah ka jylla ba kin kyrshan ia kane ka phlim ynda la pyni ha ki cinema ha nongbah Shillong.
Ha kane ka sngi u bah Embhahlang Syiemlieh, MLA bad MDC barim ka Mawlai constituency bad Co-Chairman ka MIDC jo ng ka sorkar jylla un long kum u Kongsan.
Ha ka juh ka sngi ha ka por 8:30 baje mynstep kan don ka jingialehkai Footbal Penalty Shoot-out jong ki shynrang ha kaba la khot sngewbha ia baroh ki samla shynrang ba kin wan iashim bynta namar ka khusnam ia kaba jop ne ba nyngkong ka long T.10,000, ba ar yn ai T.5000 bad balai T.2000 ka bai rung kan long T.500 shi team bad ia ki form yn sa ioh hi ha katei ka sngi ha madan.
Phi don ban ong eiei?