Shillong:U Symbud myntri rangbah jong ka jylla Meghalaya,u Ma Sniawbhalang Dhar, u la ong ba na ka liang jong ka tnat treikam jong ka Urban Affairs Department, ki la ai por ia ka Harijan Panchayat Commitee (HPC) ban shim ia ka rai haba iadei bad ka jingtyrwa jong ka sorkar, haduh ka 10 tarik iaiong mynta u snem.
Une u myntri jong ka tnat kam pyn roi sor jong ka sorkar jylla, u la iathuh ba tang hadien ba u la shimti biang kum u myntri jong kane ka tnat, u la thrang ban pynkloi noh ia kane ka kam kaba la sahteng bad sahkut noh na ka jingwan jong ka elekshon.
U la ong ruh ba hadien ba ka tnat pynroi sor, ryngkat bad ka High level com mittee (HLC) ba la thung da ka sorkar ki la iaid shakhmat ban pynkynriah noh ia ki briew kiba sah ha them metor kaba don ha them Iew-Mawlong, lyngba ki jing tyrwa ban rah noh ia kito ki nongsah ha katei ka jaka, sha kawei pat ka jaka ba ka sorkar ka la dep ban tyrwa bad pynkhreh ruh kumjuh.
U myntri u la iathuh ruh ba na ka liang jong u Chairman jong ka Harijan Panchayat Commitee, u la pan por biang ha shwa ba un shim ia ka rai sa kumba lai bnai eiei, hynreì ka tnat ka la kyntait ia kane, ha kaba u myntri u la iathuh ruh ba ka kam ka la slem palat bad kumta donkam ban shim rai kham kloi ha kaba ki la ai por ruh ba ka 10 tarik iaiong 2023, ba kan dei ka por ba khatduh ba ki briew ha katei ka jaka bad ka kynhun jong ka HPC ki dei ban ai ka rai bad jubab sha ka sorkar, haba iadei bad ki jing tyrwa ba la dep tyrwa da ka sorkar katto katne bnai mynshwa.
U myntri jong ka tnat pynroi sor jong ka sorkar jylla, u la iathuh ruh ba na ka liang jong ka sorkar hi kin ialeh katba lah ban pynkloi bad pyndep noh ia kane ka kam ba la sahteng, ha kaba u la khmih lynti ruh ba ka kam kan iaid beit shakhmat kumba la pynkhreh.
lah dei ban kynroh baroh arliang surok da 4 meter jing jrong naduh ïew Mawlong City Bus parking point haduh Bimola pharmacy
ym bit ban ai pyn-ïeng kano kano ka jait dukan shi lynter ka surok khnang ba ki kali kin ïaid shngaiñ(safely).
pyllait entry exit point kumba 90 ne 100 meter kawei na kawei baroh arliang ki kynroh naka bynta ban mih ban rung ki ba shong basah hapoh colony.
kane kan ïarap ba solve bad pyn-kylluid haduh 60% ki jing blok kali (traffic jam).
Kane ka Ishu bajwat tam…ban loit ia u kynjri ba lah sahkyrdot ruh lah eh bha….sa tng ka bor ka Npp ba lah trei shitom met bad mynsiem ban loit kine ki jingeh…donbok ban jop ia Kane ka jingthmu…..namar kadei ka Ishu ba la thrang shisha ki paitbah naduh mynshwa…..dei ban ai khusnam Lada ki jop…..