10 hap shong iing, ia kito kiba la kynduh ia ka nongai injek khunlung na Amjong Sub-Centre

Nongpoh: Hadien ba kawei na ki nongtrei hapoh ka Amjong Sub-Centre, kaba don ha ka kamram ban ai injek ia ki khunlung, ka la ioh ia ka jingpang COVID-19, na ka liang ka District Magistrate ka Ri Bhoi, ka la kyntu ia ki riew paidbah kiba la kynduh ia katei ka nongtrei ka koit ka khiah ba ki dei ban shong khop 10 sngi ha iing.

Ka District Magistrate ka Ri Bhoi, ka la kyntu ruh ia kito ki riew paidbah, kiba la kynduh ia katei ka nongtrei ka koit ka khiah, ba ki dei ban sngapthuh ia ka koit ka khiah halade bad lada ki sngew ba ki don ia ka jingsngew shitom bad kiba don ia ki dak ki shin jong ka jingpang COVID-19, ki dei ban pyntip mar mar sha ki ja ka sumar kiba marjan.