Shillong: Ka Shillong Lajong kan iakhun ia ka East Bengal ha ka 1 tarik Naiwieng ha madan JN Stadium, Shillong ha ka lumpung Hero I-League. Ka jingialehkai kan long por 2 PM.
Ka Shillong Lajong bad ka East Bengal ki la ialehkai mynshem snem ha ka 5 tarik Lber ha Shillong ha kaba ki la iakhaid 2-2.
Ka East Bengal FC ka la jop iaka Neroca FC da 2-0 kol ha ka jingiakhun ha Manipur ha kane ka 27 tarik. Ia kine ki 2 kol, la thep da u nongialehkai na Mexico u Enrique Esqueda ha ka 10 minit bad 48 minit.
Kane ka kynhun na Kolkata ka la wan poi ha Shillong bad ki la kilanmet ha ka nongbah.
Na ka bynta kane ka jingialehkai, ia ka tiket lah ban ioh na Mobile Centre Khyndai Lad bad ka SSA Counter ha madan Polo bad ka dor ka long
VIP (West Wing) – T. 500, D1 bad D2 Covered Gallery ba don shuki (West Wing) – T. 100, D3 bad D4 Covered Gallery (East Wing) – T. 50, E1 Covered Gallery (East Wing) – T. 70, C (Open gallery – East Wing) – T. 30.