1 tarik Rymphang, yn leit kiew Lum Sohpet Bneng

Shillong, 27’lyngkot:
Ka jingkiew pyneh rngiew sha u Lum Soh petbneng ba kyntang kaba shisien shisnem kaba la pynbeit da ka Lum Sohpet bneng Komiti, Seng Khasi Kmie, Shillong kan long ha ka 1 tarik u Rym phang 2015. Ka nguh ka dem ha khyrdop Lum Sohpetbneng da ki Riew Tymmen Riew San ka Seng Khasi Kmie, Shil long kan long ha ka por 7:00 baje mynstep bad ka lehniam ha ka Duwan, ha kliar jong u Lum Soh petbneng kan sdang naduh ka por 10:30 mynstep. Hadien kane, yn sa pyn bud pat sa da ki jingpyni riti na ki tnat seng khasi bapher bapher.
Ha katei ka sngi, yn sam ia u khaw eh khaw shan bad ryngkat ia ka um ksiar um rupa ban Ksan ban Eh ka Rngiew jong ka Ri bad ka Jaitbynriew.
Na ka bynta ka jingbit jingbiang jong baroh, ha katei ka sngi, la pynbeit ba yn ym shah ban kiew kali sha kliar Lum hadien ka 12:30 mynsngi bad ia ki kali ki ban hiar yn pyllait hadien ka 3:00 baje nohphai sngi.
Ka Lum Sohpetbneng Komiti, lyngba une u kyrwoh, ka khot ka iawer ia baroh ki khun ki ksiew u Hynniew-trep Hynniaw-wasa ba kin ia poilang chirup kawei na ka bynta ban phuh ban phieng ka Niam ka Rukom. Kane ka long ka kyrwoh na u Bah Sumar Sing Sawian u Chairman ka Lum Sohpetbneng Komiti.