Shillong: Ka Rangdajied United FC ka la pynliem da 1-0 ia ka Ryntih SC ha ka jingialehkai Shillong Premier League ka SSA hynnin ka sngi ka madan JN Stadium Polo, Shillong.
Ia kane ka kol nam jop ka Rangdajied la thep da u Aiboklang Khongjee lyngba ka penalty ha ka 90 minit.
Ka Ryntih ka la ialehkai bha hynrei kam lah pat ban thep kol bad ka Rangdajied ka la ioh rah ha ka 45 minit haba u Mebankhraw Wahlang un ioh ban pyndei da ka khlieh ia ka bol bad leit sha u Khongjee ban kawang sha ka kol katba u nongap kol ka Ryntih Maitshaphrang Kharumnuid ia kyrshan ban iada ia ka kol
Da kane ka jingjop ka Rangdajied ka la kamai 8 point ha ka kyrdan ba-ar khlem shah rem na ki saw sien iakhun bad ka Ryntih ha ka kyrdan balai da 6 point na ki saw sien iakhun.
Mynta ka sngi ka jingialehkai ka long hapdeng ka Nongrim Hills SC pyrshah ia ka Langsning SC ha ka por 3.30 baje.
Phi don ban ong eiei?