Shillong, 29’lyngkot:
Ka Khyliehtyrshi United Social Welfare and Cultural Development Organisation (KUSWCDO) ha ka kyrwoh ba la phah da u ma K.S. Rymbai President bad u bah Bilet Dkhar General Secretary, ba ha ka jingialang jong ka seng kaba la long ha ka 23 tarik mynta u bnai kala rai ban pynduh noh ia ki kam sniew kam jaboh, ki kam sih kam sang hapoh ka shnong ka thaw.
Ka seng ka la ong ruh ba ka jingmih kum kitei ki kam sniew ka dei na ka jingioh ki briew ban dih kyiad pathar hapoh ka shnong ka thaw kaba lah ban wan haduh ki jing pyniap briew, ki kam lute bad kiwei de ki kam sniew kaba lah ban wan rah ka jingsyir ia baroh ka shnong ka thaw.
Kane ka jingioh lada ban dih kyiad pathar ka pyntieng ia ki briew kiba kwah ban soh shnong ha kane ka shnong bad kumjuh ruh kim nud shuh ban ruh sha ki dukan die sha die dud kiba ki briew jong kane ka shong ki trei ban im ja kpoh namar ba kane ka shnong ka don ha u surok bah NH 44.
Na ka liang u ma K.S.Rymbai bad ki dkhot jong ka seng ki la kyntu kynpham ia ki samla ki long kmie longkpa kiba la tip la stad ba kin kyntu ia kinto kiba kyrni ha ka jingdih buaid ba bun jait ba ki dei ban iaid na kane kam khamtam hapoh shnong poh thaw khnang ba ka shnong kan nym long kaba jah burom hynrei ka dei ban ioh ia ka jingiaroh, pynkut ka kyrwoh.