![](https://www.urupang.com/wp-content/uploads/2024/07/DSC00679-2.png)
Shillong:U Symbud Myntri Rangbah ba khmih ia ka kam pynroi sor, u Bah Sniawbhalang Dhar u la iawer ia ki sengbhalang ban iatreilang bad pyntip ba ka Sorkar kan khot iakren ia ki kynhun sengbhalang kiba pynlong ka jingkhynra ia ki nongbylla bar Jylla.
U la ong ba ka jingkhynra ia ki nongbylla bar Jylla ka la ktah ia ki kam ba dei ban pyndep la ka long ia ki project jong ka Sorkar lane ki kam jong ki briew shimet.
Haba kren mynta ka sngi, u la ong ba lehse ki lah ban don ki jingduna hangne hangtai, hynrei u la kyntu ban iapynbeit. Haba kylli, u la ong ba u la ioh jingtip ba u Myntri Rangbah u Conrad K Sangma dalade un khot iakren ia ki sengbhalang, bad bynrap ba ka jingkhang jong ka Sorkar ka plie na ka bynta ka jingiakren.
U Bah Sniawbhalang u la ia ki kam bylla kiba bun hi la ai trei beit da ki trai Jylla, hynrei don ruh katto katne ki kam ba hap ban phah trei ia ki briew kiba na shabar.
U bah Sniawbhalang ula iadon bynta ha ka jingrakhe ka Dorbar Shnong Nongkhyriem ia ka jingdap 75 snem kaba long ha phyllaw ka basketball court ka St Xavier School mynta ka sngi.
La sakhi lang u MLA ka thain u bah Charles Pyngrope, Syiem ka Hima Mylliem, pa’yiem Ainam Sing Syiem, u President ka Synjuk ki Nongsynshar Shnong Nongthymmai Pyllun, bah Bantylli L. Narry, Nongkhyriem Rangbah Shnong, Bawan Khyriem bad kiwei.
Phi don ban ong eiei?