Jowai, 19 Lber:

Hynnin ka miet sngi Saitjain, ki pulit ka Nongbah Jowai ki la pynlong ia ka jingkhynra kyiad ha ki katto katne ki kyntoit jong ka dong Newhill bad Iawmusiang ha kaba ki la ioh ban kurup haduh 12 litar ka kyiad Beer bad 20 litar ka kyaid Phareng. Ia katei ka kyiad la ioh ban kurup na kawei ka dukan kaba don ha Wahgate, Newhill, Jowai bad la kem ruh ia ki trai dukan kiba dei shilok kiba la tip kyrteng kum ka kong Lieh Phawa bad u lok jong ka u bah Roning Nongbri. La iathuh ba kitei ki ar ngut shilok ki la pyniaid iew ia kitei ki jait kyiad ha ka dukan jong ki la slem bha bad ka la don ka por ruh ba ki la shah khynra. Ki pulit ki la pynngat ia kitei ki shilok ha ka Non-FIR Case hapoh ka kyndon 53(1)(a) ME Act.