Shillong, 29 K’lyngkot: U National President ka BJP Kisan Morcha u Vijay Pal Singh Tomar,  u la ong ba ka sorkar BJP hapoh ka jingialam u Narendra Modi kan rakhe ia ka taiew jong ki nongrep ne ka Farmers’ Awakening Week naduh ka 9 tarik haduh ka 15 tarik Lber.
Na ka bynta kane, ki nongtrei ka BJP kin leit ban jngoh ia ki katto katne ki jaka ban maitphang ia ki jingjop jong ka sorkar BJP ha ka rep ka riang ia ki paidbah ka jylla.
Haba kren sha ki nongthoh khubor ha kane ka sngi Thohdieng, u Singh u la kdew ia ki katto katne ki prokram na ka bynta ki nongrep kynthup ia ka Prime Minister Crop Insurance Scheme ha kaba ki nongrep kin ioh jing iarap lada jia ba julor ki jingthung jingtep.
U la kdew ruh ia ka Soil Health Card ha kaba yn ai sha ki nongrep hapoh ki lai snem ha kaba T. 568 klur.U la ong ba ka UPA polisi ka dei kaba bakla bad ka long pyrshah beit ia ki jingbit jingbiang jong ki nongrep. Haba ther ia ka sorkar barim ka United Democratic Alliance (UPA), ba hapoh ka jingsynshar ka UPA, ki nongrep ki iakynduh jingeh haduh kumba 65 per cent ki jaka rep ki tyrkhong khlem ioh um, kim ioh iingsah, ki kudam ban buh ia ki mar rep. U la ong ba 3 klur ki nongrep ki ieh noh ia ka kam rep ban leh ia kiwei ki kam namar ka jingbym shim khia ka sorkar bad u la buh jingkylli, mano ban kit khlieh ia ka jingpyniap hi ki nongrep namar ka jingsniew ka rep ka riang.